الثلاثاء، 15 نوفمبر 2011

نفس صااااافية

فى ذكريات مقدرش اخبيه وفى احزان لازم تموت معايه وفيه نفس

طموحة وقلب وثاب وعقل نافذ كل دا فى انسان انسان بيحب يعيش

زى ما ربنا خلقه مش زى ما الناس عوزه. هو ليه الناس بتزعل

بعضها وبتزعل من بعضها ليه؟ هل علشان عوزين يكونو زى

الناس اللى معاهم حاجات كتيره ولا ياترى هما عوزين ايه, مش

عارف صراحة بس انا جربت ان اكون سعيد وجربت ان اكون غير

سعيد اكتشفت ان السعاده سهلة مش عوزه عقد وكلاكيع, تجرب

معايه بص ياسيدى سلم على الناس كلها وابتسم فى كل الوجوه ولما

تيجى تنام ارمى وراء ظهرك اى زعل يعنى ناااااااام ابيض ولو

مجوز ومخلف بوس اولادك قبل ماينامو وخدهم فى حضنك وبوس

زوجتك من رئسها سعتها هاتحس انك مالك الدنيا ولو مش مجوز زى

حلاتى يبقى اعمل بالكلام اللى فات وكمان فى حاجه مهمة اوى انك

تكون قريب من ربنا لما تكون قريب منه هايسعدك وهيسهلك حجات

كتيره اوى لان احنا بجد منسواش حاجه من غيره وكمان فى حاجه

مهمة اوى وهاتكون الاخيرة ان شاء الله انك تغسل عنيك كل شويه

مش تغسلها بالماء لأ تغسلها بالدموع ازى بص ياسيدى افتكر النبى

وهو بيبلغ دعوة ربنا, قومه عملو فيه ايه وشوف هو تعب اد ايه

علشان يوصلك الاسلام .قوم توضئ وصلى ركعتين بالليل وادعى

ربك .ارفع ايدك وقوله يارب محتاج لك على فكره انت عارف

نفسك ايه الحاجه اللى بتخليك تعيط جرب ومش هاتندم

ليست هناك تعليقات: